Babai i Gazmir Dacit ka folur me emra për autorët e dyshuar të sulmit me tritol, ndërsa ka apeluar që shteti të ndërhyjë, ose do të veprojë i vetëm. Xhelal Daci, i prekur pas shpërthimit, ka përmendur një emër, ku sipas tij, ai është autori. Sipas tij autor është Saimir Kolaveri.
“Është hera e dytë që prekin në shtëpi, hera e katërt që ndodhin ngjarje. Unë me burrni i fala, kur ato pas një viti mi dolën para djalit. Kanë tentuar të ma vrasin djalin edhe në burg.
Tash e mbrapa do ta kemi ndryshe, nuk të kam bo gjo, ça kam me të bo. I çoj fjalë përmes televizorit. Do më njohë Saimir Kolaveri se kush është Xhelal Daci”, tha ai për “News24”.
https://tiranatoday.com/sulmi-i-dyte-me-eksploziv-baneses-se-te-denuarit-per-vrasje-si-nisi-lufta-me-kolaveret/
Po kështu, Xhelali tha se kanë kërkuar edhe azil si familje, por u është refuzuar, pasi autoritetet shqiptare kanë siguruar se e mbrojnë jetën e kësaj familje.
Gazmir Daci është dënuar me 35 vite burg për vrasje dhe plagosje. Ai aktualisht është duke vuajtur dënimin në burgun e Vaqarrit, për vrasjen e Valmir Kolaverit në 4 nëntor 2015, ndërsa ka plagosur rëndë vëllanë e tij, Robert Kolaveri, i cili mbeti i paralizuar. Më 31 korrik të 2016, ndaj tij u tentua një atentat nga jashtë burgut me snajper, por autorët gabuan shënjestër.
