Një shpërthim me tritol ka ndodhur në orët e para të mëngjesit të sotëm në Sarandë. Ngjarja ndodhi në lagjen nr.1, rreth orës 04:35 minuta. Tritoli ishte vendosur në hyrje të vilës së personit të identifikuar si Lefter Lefteri alias Afez Kulla. Nga shpërthimi raportohet të ketë vetëm dëme materiale, dhe nuk ka asnjë person të lënduar. Zona aktualisht është e rrethuar, por nuk dihet ende se kush qëndron pas kësaj ngjarje.
Policia e Sarandës ka dalë me njoftim zyrtar pas shpërthimit të lëndës plasëse.
“Më datë 05.12.2022 rreth orës 04:45, në lagjen nr.1, Sarandë, në murin rrethues të banesës së shtetasit L. L, ka shpërthyer një sasi e vogël lëndë plasëse. Si pasojë janë shkaktuar dëme të vogla materiale. Menjëherë në vendngjarje kanë shkuar forcat e policisë dhe grupi hetimor, për të kryer veprimet për sqarimin e rrethanave të ngjarjes, identifikimin dhe kapjen e autorit”.
Lefter Lefteri alias Afez Kulla, 54-vjeçari që iu tritoli në derën e shtëpisë ka punuar në administratën publike. Mësohet se është kallëzuar në Policinë e Sarandës për një ndërtim pa leje në lagjen nr.1, ku dhe banonte.
Por, nuk dihet nëse puna në administratë apo ndërtimi pa leje, kanë qenë shkaqet e vendosjes së lëndës plasëse në derën e shtëpisë së tij.
