Kryeministri Edi Rama në një konferencë ku ka bërë bilancin e një viti ku dhe një herë nuk ka nguruar pa i sulmuar gazetarët përpara se të fillonin dhe t’i bënin pyetje.
“Sot e keni me ligj dhe zakon që të bëni pyetje jashtë kornizave dhe pa lidhje, kështu që jepeni seri se sot është dita juaj”. Ndërsa i pyetur nga gazetarët nëse Rama si politikan i trembet drejtësisë është shprehur se: “Keni dëgjuar shumë politikanë që flasin për të treguar virgjërinë e tyre, por unë nuk hyj tek ata politikanë”.
A jeni i gatshëm të negocioni me opozitën për zgjedhjen e kryeprokurorit të përgjithshëm?
Rama: Unë besoj që kam dëshmitarë të gjithë ju se që në momentin që lindi nevoja për zgjedhjen e kryeprokurorit të e përkohshëm të përgjithshëm, i kam kërkuar në mënyrë të përsëritur kryetarit të PD-së që të dialogojmë, që të bënim një pakt për Evropën.
Kërkesat e mia kanë rënë në vesh të shurdhët, dhe përgjigjet kanë qene heroike dhe refuzuese një patos. Kërkesat e mija ishin për të pasur një mirëkuptim me opozitën.
Po patjetër, në çdo hap unë do të bëj përpjekje për të komunikuar me opozitën. Opozita është ajo që kemi dhe ajo që duam. Na pëlqen s’na pëlqen ka vizion s’ka vizion, është e aftë s’është e aftë ajo është ajo që kanë zgjedhur njerëzit. Është detyra jonë që t’i shtrijmë dorën. Ne do vazhdojmë punën dhe nuk do të mbetemi peng i taktikave të opozitës.
Po ju i trembeni drejtësisë?
Nuk ka rëndësi se çfarë them unë. Fjala ime është në konflikt interesi. Rëndësi ka çfarë thotë drejtësia për këdo. Kështu që ju keni dëgjuar shumë politikanë t’i bien gjoksit për të treguar virgjërinë e tyre, unë nuk hyj te ata se nuk ka asnjë kuptim.
Por di një gjë: reforma në drejtësi është një nga obsesionet që unë kam pasur në kuptimin e një prej pikave fikse në idenë time se si mund e duhet të bëjmë shtet këtu dhe për këtë arsye kam insistuar të futet në programin e PS dhe pse reforma kërkonte ndryshime kushtetues e në radhë të parë.
Kam qenë i bindur se ka qenë një reformë që i ka ardhur koha dhe gjërave që u ka ardhur koha është e pamundur ti bllokosh. Në këtë pozicion, siç e kanë bërë gjithçka që kanë pasur për ta garantuar reformën në drejtësi, do të bëj gjithçka.
Nëse kjo tregon se unë kam frikë nga drejtësia, ky nuk është problemi im. Problemi im është si të bëhet në këtë vend e mundur që të ndahet zullumi dhe të mos vazhdojë historia, të gjithë janë njësoj, të gjithë janë të zhytur në zullum. Kjo është e neveritshme dhe e papranueshme. Mënyra për ta zgjidhur është të kemi një drejtësi që të ndajë qartësisht të vërtetën nga gënjeshtra, fajin nga akuzat.
Pyll pa derra nuk ka. Partitë politike nuk përgjigjen nëse ka apo jo derra mes tyre por për mënyrën si reagojnë kur derrat zbulohen, për ne nuk ka ekuivok ne ketë pike, duam ta ndajmë historinë e Shqipërisë në dysh, kur je i joni je i ndershëm dhe kundërshtar je i të gjitha të zezave, këto i përcakton drejtësia. Politikanët janë për të zbatuar ato për te cilat i zotohen njerëzve dhe për t’iu përgjigjur para ligjit për gjithçka, qoftë edhe kur akuzohen pa të drejtë. Tirana Today
