Për katër muajt në vijim, qarkullimi te rreth rrotullimi Shqiponja, do të jetë i devijuar për shkak të punimeve të mbikalimit hyrës në Tiranë. Kryeministri Edi Rama ka shpërndarë në Facebook hartën informuese për devijimin e trafikut, për shkak të punimeve që po kryhen në Unazën e Madhe.
Ai thumbon opozitën, e cila për tre vite mbështeti protestën e banorëve të Unazës. Rama thotë se ky investim u pengua nga ata që i lanë rrugët rrugëve.
Statusi
MIRËMËNGJES
dhe me këtë video informuese mbi planin e menaxhimit të trafikut që nis sot në nyjen e SHESHIT SHQIPONJA, për shkak të punimeve që po kryhen në UNAZËN E MADHE të Tiranës të cilën për 3 vite e bllokuan ata që i lanë rrugët rrugëve, ju uroj një javë të mbarë.
