Kreu i grupit parlamentar të PS-së, Taulant Balla, propozoi sot në Konferencën e Kryetareve që votimi për Presidentin e ri të vendit të zhvillohet ditën e shtunë, më datë 4 qershor, ora 18:00. Afati i depozitimit të kandidaturës është 4 qershori ora 12:00 në Sekretarinë e Kuvendit, dhe se afati i shqyrtimit të kandidaturës nga Komisioni i Ligjeve është data 4 qershor ora 16:00.
PS ka vendosur që ditën e shtunë, të zhvillohet raundi i katërt dhe me shumë mundësi do të zgjidhet Presidenti i ri i vendit. Me gjasë do të mësohet kush është Kreu i ri i Shtetit pasi PS nuk ka më ‘barriera’ Kushtetuese, pasi i ka 71 votat për zgjedhjen e Kreut të ri të Shtetit.
