Në Peqin është dhunuar dhe grabitur në banesë një nga kambistët më të njohur të qytetit. Tre persona të armatosur dhe të maskuar janë futur në banesën e kambistit L.T rreth orës 01:30 të kësaj të diele.
Grabitësit kanë dhunuar çiftin e bashkëshortëve të cilët jetonin vetëm sepse fëmijët i kanë në emigracion.
Nën kërcënimin e armëve të zjarrit grabitësit kanë arritur t’u marrin të gjitha paratë dhe valutën që kishte në shtëpi kambisti. Dy prej grabitësve kanë pasur armë kallashnikov dhe njëri me pistoletë.
Policia ka shkuar menjëherë në vendin e ngjarjes dhe ka marrë në pyetje çiftin ku u krye grabitja nga tre personat e armatosur. Ndërkaq zyrtarisht nuk është dhënë asnjë detaj rreth kësaj ngjarjeje.
