Një tërmet me magnitudë 5.7 tronditi Turqinë pasditen e sotme, duke shkaktuar të plagosur dhe dëme materiale.
Duke iu referuar mediave turke, lëkundjet sizmike u ndjenë mësë shumti në qytetin Karliova, ku dhe janë shënuar dëmet.
Kulla e rojes e një stacioni policor në këtë qytet u shemb, duke lënë të plagosur 3 punonjës policie.
Mediat turke shtojnë më tej se pas tërmetit të madh, vendi u godit edhe nga dy tërmete të tjera me intensitet 4.6 dhe 4.7 të shkallës Rihter.
Sizmiologët thanë se thellësia e tërmetit ishte 8 kilometra nën tokë. Dëme pësuan edhe ndërtesa të tjera. Ndërsa banorët dolën në rrugë të frikësuar.
