Komuna e Tetovës ka shpallur tre ditë zie, për ngjarjen tragjike që ndodhi mbrëmjen e djeshme në spitalin ku po trajtoheshin pacientët me Covid. Gjatë mbledhjes së sotme, Këshilli i Komunës së Tetovës ka marrë vendimin që të shpall tre ditë zie për viktimat e tragjedisë.
Kryetarja e Komunës së Tetovës, Teuta Arifi, tha se familjet e viktimave do të ndihmohen nga ana financiare.
“Deri në informacionet zyrtare, do t’i presim ato dhe ne mënyrë të rregullt do t’ju informojmë.
Në mbledhjen e radhës, pasi të kemi informacione më të detajuara për fatkeqësinë, nga fondet emergjente të Komunës së Tetovës, do ti ndihmojmë familjet e viktimave. Kjo është dhimbje e madhe për gjithë Tetovën”, tha Teuta Arifi, kryetare e Komunës së Tetovës.
