Goditet një tjetër rast i trafikut të klandestinëve, ndërsa në pranga ka rënë një 29-vjeçar.
Burime zyrtare nga policia e Gjirokastrës bënë me dije se Rinor Thaci, u kap teksa transportonte 5 shtetas të huaj në drejtim të Malit të Zi, kundrejt fitimit.
Njoftimi i policisë
Arrestohet një shtetas i cili transportonte 5 shtetas të huaj në drejtim të Malit të Zi, kundrejt fitimit.
Nga Specialistët e Seksionit kundër Trafiqeve të Paligjshme në Drejtorinë Vendore të Policisë Gjirokastër në vijim të punës për parandalimin dhe goditjen e trafikimit të klandestinëve nga vendet e treta, të cilët hyjnë në teritorin shqiptar në mënyrë të paligjshme nëpërmjet kufirit jeshil me Greqinë, u bë arrëstimi në flagrancë i shtetasit:
-Rinor Thaci, 29 vjeç, banues në Tiranë, (për veprën penale “Dhënie ndihmë për kalim të paligjshëm të kufirit kundrejt fitimit” parashikuar nga neni 298 i Kodit Penal), pasi:
Ky shtetas është kapur në flagrancë nga shërbimet e Policisë të Komisariatit të Policisë Tepelenë në bashkëpunim me Specialistët e Seksionit Kundër Trafiqeve të Paligjshme në DVP Gjirokastër, në hyrje të qytetit të Tepelenës, duke transportuar me automjetin e tij në drejtim të Shkodrës me destinacion Malin e Zi dhe më pas një nga vendet e BE-së, pesë shtetas të huaj sirianë, kundrejt fitimit.
Materialet në ngarkim të ketij shtetasi do ti kalojnë Prokurorisë së Rrethit Gjyqësor Gjirokastër, për veprime të mëtejshme.
