Merkatoja është lezeti i futbollit. Çdo sezon tifozët presin me kërshëri se kë lojtar do të blejë skuadra e tyre e zemrës.
Klubet blejnë dhe shesin. Sa më shumë kalojnë vitet, aq më shumë rriten çmimet. Në vitin 2017 janë thyer të gjitha rekordet. Vetëm PSG ka shpenzuar më shumë se 400 milionë euro në merkaton e verës, duke blerë vetëm dy lojtarë.
Më poshtë do ju prezantojmë me 10 superblerjet e këtij viti.
Monchi – Nuk është futbollist, por drejtori teknik i Romës që u largua nga Sevilla. Zbulues i madh talentesh.
Ederson – 40 milionë euro e bleu Manchester City nga Benfica. Vetëm Buffon është blerë më shtrenjtë (52 milionë)
Leonardo Bonucci – Kalimi nga Juventusi te Milani për 40 milionë euro gëzoi tifozët kuqezi. Performanca e tij në fushë, jo dhe aq.
Virgil van Dijk – Liverpool e bleu për 85 milionë euro nga Southampton, duke e bërë mbrojtësin më të shtrenjtë në histori.
James Rodriguez – Kaloi nga Real Madrid te Bayern Munchen. Dy vite huazim dhe opsion blerjeje jo i detyrueshëm për 40 milionë euro.
Diego Costa – Rikthimi i madh i Diego Costa te Atletico Madrid pasi kërkoi me ngulm largimin nga Chelsea.
Romelo Lukaku – Një nga blerjet e bujshme të Premier League. Manchester United e mori belgun nga Everton.
Dembele – 150 milionë euro pagoi Barcelona te Borussia Dortmund për shërbimet e tij.
Kylian Mbappe – Talenti më i madh i futbollit botëror u largua nga Monaco për të veshur fanelën e PSG. Për sulmuesin u paguan 180 milionë euro.
Neymar – PSG e bleu nga Barcelona për 222 milionë euro. Rekord i ri.
