Trajneri i përfaqësueses maqedonase të futbollit ka vendosur që “asin nën mëngë” në ndeshjen kundër Shqipërisë të grumbullojë lojtarë me origjinë shqiptare. Ai ka publikuar listën me 23 futbollistë të grumbulluar për dy sfidat e radhës, me Izraelin në Haifa dhe Shqipërinë në Strumicë.
Dyshja e Shkëndijës së Tetovës, Hasani, Radeski dhe Enis Bardhi i cili pak kohë më parë u transferua në Spanjë, tek Levante janë ndër futbollistët më të njohur për publikun shqiptar. Sulmuesi i Leeds United, Ezgjan Alioski i cili sezonin e kaluar ishte pjesë e Luganos së bashku me Sadikun ndërsa këtë sezon luan me të njëjtin ekip me Caleb Ekuban, ish-futbollistin e Partizanit janë në listë. Alioski shënoi golin e vetëm për Maqedoninë në takimin e parë të luajtur në “Loro Boriçi” ku kuqezinjtë fituan 2-1. Në listë është edhe dyshja e sulmit të Palermos, Nesterovski-Trajkovski, si dhe sulmuesi Goran Pandev. Ndërkohë, është ftuar edhe 23-vjeçari David Babunski, i rritur si futbollist në akademinë e Barcelonës, por që nuk kishte fat në eksperiencën e tij të shkurtër në Serbi dhe tashëm është pjesë e Jokohama Marinos në Japoni.
Formacioni bazë
Portierë:
Stole Dimitrievski (Granada), Deni Iliev (Arsenal), David Mitov Nilsen (Norceping)
Mbrojtësi:
Stefan Ristovski (Sporting), Kire Ristevski (Vasas), Darko Velkovski (Vardar), Gjoko Zajkov (Sharlroa), Visar Musliu (Vardar), Kristijan Toshevski (Pelister).
Mesfushorë:
Stefan Spirovski (Vardar), Ferhan Hasani (Shkëndija), Ezgjan Alioski (Leeds), Enis Bardhi (Levante), Boban Nikolov (Vardar), David Babunski (Jokahama), Lupco Doriev (Akademija Pandev), Nikola Gjorcev (Tvente), Elif Elmas (Fenerbahce).
Sulmuesi:
Goran Pandev (Genoa), Ilija Nestorovski (Palermo), Ivan Trickovski (AEK Larnaka), Aleksnadar Trajkovski (Palermo), Marjan Radeski (Shkëndija).
