Trajneri kroat në tribunë, tradhtia e madhe që i bëri Partizani Klevis Dalipit

Partizani do të bëhet me trajnerë të ri dhe ai do të jetë Mario Tokic. Kroati ka qenë i pranishëm në stadium në përballjen r sotme mes Partizanit dhe Skënderbeut për të parë nga afër gjendjen e ekipit. Por ndërkohë akoma nuk ka hedhur firmën në kontratë për “Demat”. Por kjo vizitë duket një lloj tradhtie për trajnerin aktual Klevis Dalipin i cili mori në dorë skuadrën në një moment mjaft delikat, pasi zyrtarët e klubit në fillim i kanë lënë të besojë se do të vazhdojnë me atë edhe sezonin e ardhshëm.Menaxheri i tij, Mario Cenolli, i kontaktuar nga EDS, ka sqaruar situatën:  “Ne jemi në stadium, kjo është e vërtetë. Po shohim këtu situatën nga afër. Trajneri po krijon një ide për skuadrën. Të jem i sinqertë nuk kemi arritur në biseda konkrete me drejtuesit e Partizanit. Çdo gjë do të ndodhë më vonë. Sot ai po ndjek takimin, po sheh lojtarët dhe po krijon idetë e tij. Presim se si do të rrjedhin ngjarjet më vonë”, përfundoi Mario Cenolli, menaxheri i trajnerit kroat Mario Tokic.Por në përfundim të ndeshjes trajneri aktual i Partizanit Klevis Dalipi është shprehur se nuk është në dijeni të këtij rasti dhe se do të vazhdojë punën me shumë dëshirë për tu konfirmuar edhe për sezonin e ardhshëm. “Pavarësisht rezultatit që morëm sot përballë Skënderbeut ne do të vazhdojmë të punojmë fort për të arritur objektivat. Trajneri i ri? Nuk jam në dijeni, por sigurisht që këto fjalë nuk i bëjnë mirë ekipit, ne do të përkushtohemi maksimalisht dhe do të japim maksimumin deri në fund. Pastaj të shohim çfarë do të ndodhë. Por unë kam shumë gjëra në kokë për sezonin e ardhshëm, po ndërtoj shumë strategji dhe them se në rast se nuk konfirmohem si trajner i parë do të kërkoj një skuadër tjetër”, u shpreh Dalipi.