Eliminimi i Rusisë nga Botërori është përjetuar shumë keq nga stafi, futbollistët, por edhe tifozët e shumtë që e mbështesnin. Trajneri i Rusisë, Stanislav Chercesov, është parë mjaft i nervozuar pas ndeshjes me Kroacinë në çerekfinale dhe për këtë arsye një gazetar e ka pyetur për arsyen.
Chercesov nuk është përmbajtur dhe i inatosur i është kthyer gazetarit: “Unë isha në emocion dhe nuk isha aspak nervoz. Ti je edhe nga Greqia, duhet të vijë turp që unë dëgjoj një pyetje të tillë nga grekët. Nëse do të ishe skandinav, do e kuptoja, por nga Greqia…”
Kujtojmë që Rusia e mbylli kohën e rregullt 2-2 me Kroacinë, por u detyrua t’i jepte lamtumirën Botërorit për shkak të penalltive, aty ku kroatët u treguan më të saktë.
