Një 82-vjeçare ka ndërruar jetë, e dy shtetase 63 e 44 vjeçe janë plagosur, si pasojë e një aksidenti automobilistik. Ngjarja e rëndë ka ndodhur në aksin Librazhd-Qafë Thanë.
Një mjet i tonazhit të rëndë, drejtuar nga shtetasi me inicialet A.H., është përplasur me një autobus në këtë aks rrugor. Policia bën me dije se një mjet trajler me drejtues shtetasin A.H., banues në Durrës, si pasojë e lagështirës ka goditur autobusin me drejtues shtetasin Th.K., banues në Elbasan.
Si pasojë e aksidentit, shtetasja R.H. 82 vjeçe ka ndërruar jetë, si dhe janë lënduar lehtë shtetaset D.M., 63 vjeçe dhe A.G., 44 vjeçe, të cilat jashtë rrezikut për jetën. Ato ishin pasagjere në autobus.
Elbasan/ Informacion paraprak
Në aksin rrugor Librazhd- Qafë Thanë, në vendin e quajtur “kthesa e gomave”, një mjet trajler me drejtues shtetasin A.H., banues në Durrës, si pasojë e lagështirës ka goditur autobusin me drejtues shtetasin Th.K., banues në Elbasan, si pasojë e aksidentit shtetasja R.H. 82 vjeçe ka ndërruar jetë, si dhe janë lënduar lehtë shtetaset D.M., 63 vjeçe dhe A.G., 44 vjeçe jashtë rrezikut për jetën, të cilët ishin pasagjerët në autobus. Grupi hetimor ndodhet në vendngjarje, dhe po punon për zbardhjen e shkakut të aksidentit.
