Një 39-vjeçar shqiptar ka humbur jetën në Itali, në vendin e tij të punës, pasi ka rënë nga një lartësi 12 metra.
Ngjarja e rëndë u shënua pasditen e djeshme në San Giuliano.
Sipas mediave vendase, shqiptari ra nga çatia e një depoje industriale në Via Bolsena, teksa po kryente punime në çati.
39-vjeçari nuk arriti t’u mbijetojë plagëve të marra, ndonëse shërbimi mjekësor i erdhi në ndihmë menjëherë.
