Një tragjedi ka prekur shtëpinë e legjendës së boksit, George Foreman. Ish-boksier 70-vjeçar ka humbur vajzën e tij 42-vjeçe.
Trupi i pajetë e vajzës së Foreman është gjetur në Houston të shtunën e kaluar, nga një anëtar i familjes, sipas raportimeve të mediave amerikane. Policia ka thënë se nuk kishte dëshmitarë dhe se është duke punuar për të gjetur shkaqet e vdekjes dhe pret rezultatin e autopsisë.
“E diela e parë pa Freedën time, e cila tashmë është me krijuesin e saj”, ka shkruar ish-kampioni i peshave të rënda në “Twitter”. Foreman ka 10 fëmijë ndër të cilët 5 djem.
