Djali i një deputeti në Maqedoninë e Veriut është një ndër 14 viktimat e aksidentit tragjik që ndodhi pasditen e djeshme në rrugën Shkup-Tetovë. Viktima është djali i deputetit të LSDM-së, Blagojce Trpevski, 25-vjeçari Jovica Trpevski.
Lajmi është konfirmuar nga zyrtarë të LSDM-së, ndërsa ende nuk janë publikuar emrat e 14 viktimave, pasi pritet identifikimi zyrtar nga Instituti i Mjekësisë Ligjore.
Sipas ministrit Venko Filipç mbrëmë në aksident vdiqën shtatë persona, pesë në Spitalin “8 Shtatori” dhe një person në Spitalin e vjetër të Qytetit të Shkupit.
Ndërsa mëngjesin e sotëm, kryeministri Zaev ka njoftuar se numri i viktimave ka mbërritur në 14. Qeveria e Maqedonisë së Veriut ka shpallur dy ditë zie kombëtare pas ngjarjes së rëndë, konkretisht më 14 dhe 15 shkurt.
