Ditën e djeshme, të paktën 14 minatorë kanë humbur jetën gjatë një shpërthimi gazi në një minierë qymyri në Kinën jugperëndimore. Sipas autoriteteve vendase, shpërthimi ndodhi herët në mëngjes në një minierë në Gaunglong. Në galeri në atë moment kanë qenë duke punuar 23 punëtorë, 7 prej të cilëve arritën të shpëtonin.
Sipas mediave vendase, dy të tjerë kanë mbetur të bllokuar nëntokë. Për ta po zhvillohet një operacion kërkim-shpëtimi.
Rrëzimi i galerisë vjen disa ditë pas përmbytjes së galerisë së minierës së qymyrit në provincën fqinje Sichuan, e cila u mori jetën pesë punëtorëve dhe bllokoi 13 të tjerë.
Minierat e qymyrit kanë një çmim jashtëzakonisht të rëndë për jetën e njerëzve në Kinë, ku ky burim mbetet deri tani burimi i dytë më i rëndësishëm i energjisë.
