Një ngjarje e rëndë ka ndodhur në Itali, pasi një 31-vjeçar shqiptar i ka dhënë fund jetës. Bëhet fjalë për biznesmenin shqiptar Marvin Proshka, i cili është gjetur i vdekur në zyrën e tij të punës, shkruan trevisotoday.it.
Ai mësohet se kohët e fundit ka kaluar vështirësi të mëdha ekonomike, me të cilat po përballej kompania e tij.
Kështu ai vendosi që t’i japë fund jetës së tij, pasi i dështoi ëndrra e tij e madhe, për të hapur një kompani të specializuar në panaire ndërkombëtare.
Si fillim biznesmeni shqiptar Marvin Proshka, kishte jetuar në krahinën e Trevisos për disa vjet. Duke filluar punë nga një fabrikë e vogël në Godega di Sant’Urbano, Proshka kishte ngritur kompaninë e tij, Promek Service. Një ëndërr u bë realitet dhe u rrit gjithnjë e më shumë me kalimin e viteve. Kohët e fundit kompania ishte zgjeruar dhe në Via Maggiore Piovesana në Conegliano. Gjithçka dukej se po shkonte mirë, por pastaj situata precipitoi. Ka nga ata që argumentojnë se arsyeja kryesore e vetëvrasjes së Marvin Proshka ishte pikërisht kriza e kompanisë së tij dhe vështirësia për të shkuar përpara.
Në mbrëmjen e së premtes, më 5 janar, 31-vjeçari shqiptar i dha fund jetës, duke varë veten në zyrën e tij. Ndërsa familja dhe të njohurit e Marvin janë vërtet të tronditur. Mesazhe të shumta ngushëllimi janë bërë nga miq dhe shokë të tij. I ndjeri ishte i mirënjohur në këtë zonë. Data e funeralit nuk është caktuar ende. Një hetim është hapur për këtë çështje. TIRANA TODAY
