Një grua shqiptare u gjet e vdekur në shtëpi e saj në Canegrate të Italisë. Zbulimi tragjik u bë mbrëmë rreth orës 9 pasdite. Ngjarja ka ndodhur pranë një kampi sportiv të Canegrate.
Sipas mediave italiane, ngjarja është bërë e ditur nga disa të njohur të 38-vjeçares të cilët kanë kërkuar ndihmën e autoriteteve lokale, këto të fundit kanë ndërhyrë për të hapur derën e banesën.
Viktima është gjetur e vdekur në shtëpi, pa shenja dhune. Akoma nuk është bërë i ditur identiteti i shqiptares, por policia italiane ka nisur hetimin rreth ngjarjes dhe po heton mbi hipotezën se shqiptarja mund të ketë vrarë veten.
