Një aksident i rëndë ka ndodhur sot në një autostradë në Kroaci, ku kanë humbur jetën 11 persona. Një autobus me targa polake ka dalë nga rruga, si pasojë kanë mbetur të vdekur 11 persona.
Lajmi është konfirmuar nga Ministria e Brendshme e Kroacisë. “Të gjitha viktimat janë shtetas polakë”, tha zëdhënësi i Ministrisë së Punëve të Jashtme Łukasz Jasina në TVN24. Agjencia AFP, duke cituar policinë kroate, informon për dhjetëra të plagosur.
Aksidenti ka ndodhur rreth orës 05:40 në kilometrin e 62-të të autostradës A4 në drejtim të Zagrebit midis Jarek Bisaszki dhe Podvorec. Në TVN24, zëdhënësi i Ministrisë së Jashtme të Polonisë, Łukasz Jasina, tha se “nuk kemi shumë informacion për momentin”.
Ai konfirmoi se shërbimet kroate raportuan 11 viktima. “Në vendin e aksidentit po shkojnë përfaqësues të ambasadës sonë, po shkojnë edhe zëvendëskryeministri kroat dhe ministri i punëve të brendshme”, tha ai.
Zëdhënësi i policisë kroate Marko Muric i tha AFP se “një aksident i rëndë rrugor ndodhi rreth orës 05:40 të mëngjesit”.
Autobusi ka dalë nga rruga dhe ka rënë në një kanal buzë autostradës. Disa njerëz janë vrarë, dhjetëra pasagjerë janë plagosur, tha ai por nuk dha një numër të saktë të të plagosurve, por shtoi se “janë të huaj”.
Portali Index raportoi se të paktën 11 persona u vranë dhe 25 u plagosën. Media të tjera kroate raportuan se 34 persona u plagosën, “kryesisht me lëndime të lehta”.
Burimi i lajmit: poland.postsen. Përshtatur nga Tirana Today
