Nga ambientet e jashtme të Kuvendit, pas ndërprerjes së seancës për herë të dytë nga ana e kryeparlamentarit Ruçi, ish- kryeministri Berisha në një dalje për media ka zbuluar sot detaje nga marrëveshja për detin me Greqinë. Sipas tij, tregues i aktit të fundit të tradhtisë që bërë nga Rama dhe Bushati.
“Së pari, pala greke në mënyrë më arrogante i ka dorëzuar palës shqiptare marrëveshjen duke i thënë merreni se nuk ka më asnjë koment, kjo është marrëveshja që ne kemi rënë dakord në Greqi dhe që ju s’mund të komentoni.
Së dyti, në këtë marrëveshje pala greke ka bërë që nuk mund të shqipërohen fjalët ‘ekiti’ dhe ‘koncesione’. ‘Ekiti’ që është një nga kërkesat fondamentakle të Gjykatës Kushtetutese është rrëzuar në mënyrë kategorike nga qeveria greke.
Së treti, anëtarë të delegacionit kanë shprehur mosaprovim të plotë për këtë qëndrim, i kanë bërë letra shefave të tyre për brutalitetin për imponimin që kërkon pala greke të bëjë.
Së katërti, merr fuqi të plotë për ujërat territorit dhe zonën ekonomike, merr fuqi të plotë ai ishull dhe gjithë fuqinë si të themi të ishullit të Korfuzit”, u shpreh ish-Kryeministri.
Berisha akuzon dy personat që përfaqësojnë delegacionin shqiptar në këto bisedime, ata që ai i quan Skapi dhe agjenti Meçollari, duke iu referuar ushtarakut Artur Meçollari. Sipas Berishës, anëtarë të delegacionit shqiptar kanë shprehur pakënaqësi për kërkesat ultimative të Greqisë dhe këtë gjë ua kanë përcjellë Kryeministrit dhe ministrit të Jashtëm. Por ish-Kryeministri shtoi se ata janë kërcënuar që të mos flasin.
“Disa anëtarë i kanë bërë letra shefave të tyre Edi Ramës dhe Bushatit. Një i pafytyrë që quhet Skapi dhe agjenti Meçollari në hije falsifikojnë edhe minutat e diskutimeve, arrijnë të bindin për të firmosur gjërat pasi janë hequr që aty. Anëtarët e delegacionit marrin kërcënime për heqje imediate nga puna”, tha Berisha.
Ish-Kryeministri komentoi edhe deklaratën e ministrit grek të Mbrojtjes, Panos Kamenos, i cili një ditë më parë tha se Greqia do të zgjerojë ujërat. Berisha e cilësoi Kamenon “ministër ekstremist anti-shqiptar”- tha Berisha.
