Bashkëkryetari i Komisionit për Reformën Zgjedhore, Damian Gjiknuri ka kometuar deklaratën e ambasadores Yuri Kim, duke u shprehur se nuk e kupton pse Basha me opozitën nuk po aprovojnë konsensusin për marrëveshjen.
I ftuar në emisionin “Real Story” në News24, Gjiknuri tha se në mbledhjet e Këshillit janë adresuar të gjitha kërkesat e opozitës.
Sipas tij, Shqipëria nuk ka pasur probleme me administrimin e zgjedhjeve në 15 vitet e fundit, por ka pasur probleme me mospranimin e rezultatit.
“Ajo ishte një marrëveshje që ka adresuar kërkesat e opozitës dhe nuk e di pse nuk ka dhënë ok. Ka qenë një refren politik, ajo marrëveshje nuk ka humbur por ka fituar, ka fituar zgjedhjet, garancitë dhe menaxhimin. Një proces i depolitizuar dhe rezultati që presin shqiptarët. Por e kam bindje se në 15 vitet e fundit Shqipëria nuk ka pasur probleme por ka qenë kultura e mospranimit të zgjedhjeve. Është më shumë debat politik. Pra ne fatkeqësisht kthehemi e bëjmë Reforma që nuk ndryshojnë kulturën e mospranimit të rezultatit”, tha ai.
