Partia Demokratike ka marrë jo pak goditje nga brenda gjatë viteve të fundit, ku shumë figura të rëndësishme janë larguar, duke krijuar edhe fraksione politike.
Bujar Nishani ka folur pas zërave të fundit se ish-deputetja Jozefina Topalli do të krijojë një parti të re për të garuar në zgjedhjet e 25 prillit, një fraksion tjetër që del nga selia blu.
Ai e ka vlerësuar Topallin si një nga njerëzit me kontribut të madh në PD, ndërsa ka shtuar se do të donte që ajo ta jepte kontributin po në këtë parti.
“Ajo është një nga njerëzit me më kontriibut dhe është e drejta e saj dhe zgjehdja e saj. Unë kam dashur gjithmonë që ajo ta japë kontributin në PD, por është zgjedhja e çdokujt“, tha Nishani në ‘5 pyetje nga Babaramo’.
