Partia ‘Lëvizja për Ndryshim’ e kryesuar nga ish-kryeparlamentarja, Jozefina Topalli është forca më e re politike që do garojë në zgjedhjet parlamentare të 25 prillit.
Gjatë prezantimit, Topali ka sulmuar atë që e ajo e quan politika e vjetër shqiptare, duke thënë se vendi nuk ka një alternativë.
Sipas saj Basha, Rama dhe Meta, bëjnë çdo gjë për të mbajtur monopolin politik.
Ajo tha se ka pasur shantazhe edhe kundrejt partisë së re të krijuar prej saj.
Jozefina Topalli: “Fushata është kthyer në monopolin e 3 personave. Ata të tre shantazhohen për interesa private, dhe bëjnë paqe për karrigen. Këta të tre, vendosin se kush duhet të bëjë biznes me ata, kush duhet të punojë kush jo sa duhet të punojë sa duhet të marrë, kush duhet të rijë në këtë vend dhe kush duhet të ikë.
Ata të 3 do bëjnë çdo gjë për të mbajtur monopolin politik, vendi është pa alternativë. Ata mendojnë se duke thënë të gënjeshtra do zhdukin të vërtetën e vërteta është liria jona. Sulmojnë dhe kërcënojnë me brutalitet edhe lëvizjen e këtyre të rinjve, Taktikë shumë e vjetër kjo.”
