Një tërmet me magnitudë 4,5 ballë tronditi Greqinë pasditen e sotme. Lëkundjet sizmike u ndjenë rreth orës 16:58 me atë lokale, sipas matjeve të Institutit Gjeodinamik të Observatorit Kombëtar të Athinës.
Tërmeti u shënua në perëndim të kryeqytetit grek, 17 km nga qyteti i Aigio. Sipas Institutit Gjeodinamik, lëkundjet ishin në thellësi 13 kilometër dhe ka shkaktuar edhe lëkundje të forta.
Ndërkohë, drejtori i Institutit, Akis Tselentis, tha se epiqendra e tërmetit u lokalizua 23 km nga Patra, ku janë shkaktuar disa dëme materiale, por nuk ka arsye për të pasur panik.
Mediat lokale raportojnë se lëkundjet sizmike patën një kohëzgjatje të gjatë, duke shkaktuar dhe frikë te banorët e zonës.
Kjo është lëkundja e dytë sizmike pas asaj në mesnatë, me magnitudë 4.1 ballë, e cila tronditi rajonin e Nafpaktos.
