Një tjetër ngjarje e rëndë ka prekur sportin, këtë herë në botën e çiklizmit. Bëhet fjalë për 23-vjeçarin belg, Michael Goolaerts, i cili ka pësuar një atak kardiak gjatë garës që po zhvillohej në Francë. Ky aksident i tmerrshëm ka ndodhur një ditë më parë në trajektoren Paris-Roubaix, ku çiklisti belg ishte pjesë e skuadrës Verandas Willems-Crelan.
Çiklisti 23-vjeçar belg i ekipit Verandas, Michael Goolaerts, papritur është rrëzuar në tokë gjatë kohës që po pedalonte. Sipas mediave franceze belgu ka pësuar një atak kardiak gjatë kohës që po garonte në pjesën me kalldrëm.
Ndërhyrja e ambulancës dhe stafit mjekësor ka qenë e menjëhershme dhe çiklistit iu bë masazhi kardiak në moment dhe më pas u transportua me urgjencë me një helikopter në spitalin. Megjithatë për fat të keq nuk mundi të jetojë.
