Një tjetër tragjedi ajrore është regjistruar, ku një avion është rrëzuar në aeroportin ndërkombëtar të Katmandu, Nepal.
Sipas raportimeve bëhet e ditur se në avion ishin 78 pasagjerë dhe policia, ambulancat kanë mbërritur në vendngjarje për thënë ndihmën e parë. Avioni ka humbur kontrollin gjatë uljes duke u rrëzuar në anën lindore të pistës së aeroportit.
Zëdhënësi i aeroportit në një deklaratë për mediat ka dhënë se mund të ketë shumë viktima sepse avioni ka marrë flakë pas përplasjes.
Ndërkohë që kujtojmë që vetëm brenda 12 orëve janë regjistruar edhe 2 tragjedi të tjera ajrore. Ditën e diel u bë i ditur rrëzimi i avionit privat të vajzës së biznesmenit turk, ku humbën jetën 11 udhëtarët që ndodheshin në bord.
Gjithashtu u bë i ditur rrëzimi i një helikopteri në New York, në ujërat e Lumit Lindor ku mbetën të vdekur 5 persona.
