Një tjetër rast i abuzimit seksual me të mitur dyshohet se ka ndodhur në qytetin e Vlorës.
Ditën e djeshme policia ka njoftuar se është arrestuar në flagrancë një 67-vjeçar.
“Abcnews.al” raporton se Sofo Skënderi, 67 vjeç, banues në fshatin Ceprat dyshohet se ka ngacmuar seksualisht një 13-vjeçare.
Policia ka vërtetuar se në datë 30 Maj, 67-vjeçari ka kryer veprime dhe i ka thënë fjalë të turpshme minorenes.
Për këtë fakt, familja e të miturës ka denoncuar Skënderin.
Kujtojmë se të shtunën e kaluar u raportua edhe një tjetër rast abuzimi seksual me të mitur.
Abaz Doku, 65 vjeç, roje në një prej shkollave të zonës së njohur si Bregu i Lumit në Tiranë dyshohet se ka përdhunuar një 15-vjeçare.
