Një 85-vjeçar ka ndërruar jetë sot në banesën e tij, nga asfiksimi.
Mësohet se viktima jetonte vetëm në Tiranë, në rrugën “Frosina Plaku”, ndërsa zjarri ka rënë pasi ka marrë flakë rezistenca ngrohëse.
Informacion paraprak:
Me datë 05.01.2018, rreth orës 06:30, në Sallën Operative ka ardhur një telefonatë se në një banes në rrugën ” Frosina Plaku”, ka rënë zjarr.
Menjëherë në vendngjarje kanë mbërritur shërbimet e Policisë dhe zjarrfikësja, ku nga verifikimet paraprake rezulton se:
Në rrugën “Frosina Plaku”, ka marrë flakë rezistenca ngrohëse dhe si pasojë e tymit të shkaktuar është asfiksuar dhe ka gjetur vdekjen shtetasi S.N., 85 vjeç, i cili jetonte i vetëm.
Paraprakisht dyshohet se zjarri është shkaktuar nga rezistenca e ngrohjes, dhe nuk ka shenja dhune.
Grupi hetimor ndodhet në vendngjarje për veprimet e mëtejshme për përcaktimin e shkakut të rënies së zjarrit.
