Mesditën e sotme një aksident rrugor ka ndodhur në zonën e “Don Boskos” ku një automjet tip “Benz” ka përplasur një të ri i teksa po lëvizte me motoçikletë.
Ballkan Web ka siguruar disa foto nga vendngjarja dhe nga pamjet duket qartë se goditja ka qenë e fortë.
Si pasojë e përplasjes makina është dëmtuar ndjeshëm, por edhe motoçikleta ka pësuar dëme të mëdha gjithashtu.
I riu rreth të tridhjetave që drejtonte motoçikletën ka pësuar plagosje në kokë.
Dëshmitarët e pranishëm në vendin e ngjarjes, thonë se i riu ndodhet në spital për të marrë ndihmën mjekësore.
Policia po heton për zbardhjen e plotë të rrethanave të aksidentit.
