Drejt zgjidhjes enigma për turkun e shumërkërkuar për mashtrim me kriptomonedhat në shumën e mbi 2 miliard dollarëve. Gazeta turke Hurriyet ka shkruar sot se, është bërë i mundur ndalimi dhe është marrë në pyetje personi që shoqëroi themeluesin e Thodex.
Sipas gazetës turke Hyrriyet, mësohet se shtetasi shqiptar, që u kap nga kamerat e hotelit ku thuhet se qëndroi Özer, është Altjan Canaj. E njëjta gazetë bën të ditur se, Canaj është marrë në pyetje nga polica shqiptare dhe sipas dëshmisë së tij të parë ai ka pranuar se ata e ndihmuan Faruk Fatih Özer me personin e quajtur Edevaldo Haxhiu.
Canaj gjithashtu është shprehur se ai e kuptoi se Faruk Ozer ishte fajtor pas lajmeve në shtyp. Ai i tha se e pritën Ozer, themeluesin e arratisur të Thodex, në aeroport me kërkesë të një shoku të tij të njohur dhe e çuan në hotel.
Kur Canaj mësoi nga raportet e medias se Özer ishte përfshirë në një mashtrim të madh, ai tha se u takua përsëri me Edevaldo Haxhiu. Ai deklaroi se kishte ikur nga policia për 15 ditë dhe ishte fshehur për shkak të frikës.
Faruk Fatih Ozer u arratis nga Turqia duke ardhur në Shqipëri në 18 prill duke mbyllur gjithashtu shërbimet e kompanisë së tij “Thodex”, në të cilën kishin investuar më shumë se 350 mijë persona, pjesa më e madhe e tyre, turq.
Mendohet se dëmi i shkaktuar ndaj tyre është 2 miliardë dollarë, ndërsa një pjesë të parave ai i mban me vete në një server të posaçëm në formë kriptomonedhash.
