Dy persona janë proceduar penalisht, pasi gjatë kontrolleve të ushtruara nga Policia e Tiranës rezultoi se ata ushtronin aktivitetin e paligjshëm të lojërave të fatit
Duke iu referuar njoftimit të policisë, bëhet fjalë për shtetasit P. P., 51 vjeç, dhe M.P., 31 vjeç, të dy banues në Tiranë.
Policia bën me dije se kontrollet kundër aktivitetit të paligjshëm të lojërave të fatit, do të vijojnë në të gjithë qarkun e Tiranës, ndërsa i fton të gjithë qytetarët që të denoncojnë çdo veprimtari të këtillë.
Njoftimi i plotë:
Policia e Tiranës vijon kontrollet në të gjithë qarkun për evidentimin dhe ndëshkimin e atyre personave që vijojnë ende të ushtrojnë aktivitetin e kundraligjshëm të lojërave të fatit. Procedohen penalisht 2 shtetas për veprën penale “Vënia në dispozicion e lokaleve për lojëra të palejuara” dhe “Organizimi i lotarive të palejuara” Sekuestrohet në cilësinë e provës materiale 4 tableta të markave të ndryshme.
Nga Specialistët për Hetimin e Krimit të Komisariatit të Policisë Nr 1, filloi procedimi penal në gjendje të lirë për shtetasit: – P. P., 51 vjeç, banues në Tiranë. – M.P., 31 vjeç banues në Tiranë. Gjatë kontrollit të ushtruar në lokalin në administrim të shtetasit P.P dhe të regjistruar në emër të shtetasit M. P, shtetasi P. P ushtronte aktivitetin e paligjshëm të lojërave të fatit ku gjatë kontrollit u gjetën 4 tableta që shërbenin për të ushtruar veprimtari të lojërave të fatit të cilat u sekuestruan në cilësinë e provës materiale. Kontrolle kundër aktivitetit të paligjshëm të lojërave të fatit,do të vijojnë në të gjithë qarkun e Tiranës,me qëllim parandalimin,evidentimin dhe ndëshkimin e këtij aktiviteti të kundraligjshëm. Policia e Shtetit fton qytetarët që të denoncojnë në numrin 112 ose përmes aplikacionit “Komisariati Dixhital”, çdo veprimtari të këtillë të kundraligjshme.
