Një aksident tragjik ka ndodhur në Tiranë, ku drejtuesi i mjetit ka humbur kontrollin dhe ka hyrë në oborrin e një banese duke përplasur për vdekje një 23-vjeçare. Ngjarja e rëndë është shënuar në Tiranë, në zonën e Kombinatit.
Rreth orëve të para të mëngjesit të kësaj të mërkure, shoferi me iniciale D.T., duke drejtuar automjetin e tij ka humbur kontrollin dhe ka dalë nga rruga duke hyrë në oborrin e një banese.
Si pasojë e përplasjes ka ndërruar jetë 23-vjeçarja, e cila në ato momente ndodhej në oborrin e banesës së saj. Burimet bëjnë me dije se e reja ka ndërruar jetë në spital. Grupi hetimor po punon për sqarimin e rrethanave të aksidentit.
