Një aksident i rëndë ka ndodhur pasditen e sotme në kryeqytet. Një automjet ka përplasur një motor, dhe për pasojë drejtuesi i motorit ka humbur jetën.
Në gjendje të rëndë, pas aksidentit ai u transportua në spital për ndihmë mjekësore ku edhe ndërroi jetë.
”Si pasojë e plagëve të marra ka ndërruar jetë në spital drejtuesi i motorrit shtetasi me iniciale E. Ç., 27 vjeç.”, informon policia.
Ndërkohë, drejtuesi i mjetit tjetër shtetasi P. L, u shoqërua në ambientet e komisariatit Nr.4, për veprime të metejshme hetimore.
