Një aksident, fatmirësisht pa pasoja për jetën ka ndodhur në zonën e “Don Boskos” në Tiranë. Një mjet ka përplasur 17-vjeçarin me inicialet M. B., i cili lëvizte në këmbë.
Pas aksidentit, shoferi i mjetit ka braktisur makinën dhe është larguar nga vendngjarja. 17-vjeçari është dërguar menjëherë në spital, ku ndodhet nënkujdesin e mjekëve, ndërsa policia po punon për identifikimin dhe kapjen e autorit.
Njoftimi i policisë:
Më datë 14.02.2022, rreth orëve të para të mëngjesit, në “Don Bosko”, një mjet me drejtues ende të paidentifikuar, ka aksidentuar këmbësorin shtetasin M. B., 17 vjeç, dhe më pas drejtuesi i mjetit ka braktisur mjetin dhe është larguar nga vendi i ngjarjes.
Si pasojë e aksidentit, 17-vjeçari është dëmtuar dhe ndodhet në spital nën kujdesin e mjekëve.
Grupi hetimor po punon për identifikimin dhe kapjen e autorit, dhe sqarimin e rrethanave të aksidentit.
