Një ngjarje e rëndë ka ndodhur në lagjen “Ali Demi” në kryeqytet. Një grua është lyer me benzinë dhe i ka vënë flakën vetes në tualetin e banesës.
Kjo ngjarje ka alarmuar banorët, ndërsa gruaja është ndaluar nga familjarët dhe është transportuar me urgjencë në spital. Ajo ndodhet nën kujdesin e mjekëve. Nuk dihen ende arsyet e këtij akti ekstrem.
Policia ka nisur hetimet, ndërsa ka referuar materialet në Prokurorinë pranë Gjykatës së Shkallës së Parë Tiranë, për vlerësim.
