Ditën e sotme, në një njoftim për mediat, policia e kryeqytetit ka bërë me dije se është bërë arrestimi i një të riu për armëmbajtje pa leje. Sipas të dhënave, Shtetasi me inicialet E.P. e mbante armën në banesë. Kanë qenë denoncimet e qytetarëve në lagje, të cilët kanë vënë në lëvizje forcat e rendit për dyshimet e tyre.
Efektivët e Komisariatit Nr.2 kanë bërë një kontroll në banesën e tij dhe kanë gjetur dhe armën. Tashmë 23 vjeçare do të përballet me akuzën e armëmbajtjes pa leje.
Dëmet nga tërmeti në Durrës, edhe shkolla 9-vjeçare do të shembet
Njoftimi:
Efektivët e Komisariatit Nr.2 në Tiranë kanë vënë në pranga një 23-vjeçar për armëmbajtje pa leje.
“Shërbimet e Komisariatit të Policisë Nr.2, falë informacioneve të marra nga qytetarët se një i ri mbante në banesë armë zjarri pa leje, organizuan menjëherë punën duke arrestuar në flagrancë shtetasin E. P., 23 vjeç, banues në Tiranë.
Gjatë kontrollit të ushtruar në banesën e këtij shtetasi, shërbimet e policisë gjetën një armë zjarri pistoletë e cila u sekuestrua në cilësinë e provës materiale.
Materialet iu referuan për veprime të mëtejshme Prokurorisë së Rrethit Gjyqësor Tiranë për veprën penale “Mbajtja pa leje e armëve luftarake dhe e municionit”.