Një foshnje e porsalindur ka ndërruar jetë në maternitetin në Tiranë, si pasojë e përkeqësimit të gjendjes shëndetësore. Ngjarja e rëndë ka ndodhur rreth orës 00:40. Raportohet se grupi hetimor, po vijon punën me veprimet për përcaktimin e shkakut të vdekjes, dhe dokumentimin e plotë të ngjarjes. I ati i foshnjës që ka ndërruar jetë, ka bërë kallëzim në Komisariatin nr.1 në Tiranë, duke akuzuar mjekët se nuk i kanë dhënë kujdesin e duhur të porsalindurit.
Njoftimi nga Policia e Tiranës, paraprake:
Më datë 28.07.2021, rreth orës 00:40, në maternitet, një foshnje e porsalindur dyshohet se si pasojë e përkeqësimit të shëndetit ka ndërruar jetë.
Grupi hetimor vijon punën me veprimet për përcaktimin e shkakut të vdekjes dhe dokumentimin e plotë të ngjarjes. Materialet i kaluan Prokurorisë së Rrethit Gjyqësor Tiranë, për veprime të mëtejshme.
