Një efektiv i forcave të RENEA-s, i identifikuar si Xhulio Liçi, është vënë në prangat nga policia pasi është kapur me 1 kilogram kokainë.
Ndërkohë, janë arrestuar dhe dy bashkëpunëtorët e tij, identiteti i të cilëve ende nuk dihet, por mësohet se nuk janë pjesë e “bluve” të vendit.
Pjesëtari i forcave RENEA, jo vetëm që ishte posedues i kokainës, por vepronte edhe si mburojë e 2 trafikantëve të tjerë të cilët kishin mundësi të lëviznin të lirë për trafikun e drogës, në mburojën e një efektivi policie.
Arrestimi i tij erdhi pasi SHÇBA kishte marrë informacion për veprimtarinë e paligjshme të efektivit të RENEA-s dhe prej ditësh kishte lajmëruar strukturat përkatëse dhe ishin nën mbikëqyrje të tij.
