Dy persona kanë grabitur me armë një automjet në Tiranë. Sipas BalkanWeb, ngjarja ka ndodhur mbrëmjen e të martës pranë ‘Casa Italias’.
Mësohet se personat e maskuar ishin të armatosur, teksa nën kërcënimin e armës kanë dhunuar një çift dhe u kanë grabitur mjetin e tyre.
Pas kësaj ngjarjeje, policia ngriti pika të shumta kontrolli në kryeqytet por nuk mundi të identifikojë apo ndalojë autorët. Ndërkohë, vijon puna për identifikimin e tyre dhe zbardhjen e plotë të ngjarjes.
