Një burrë rreth të 40-tave ka marrë plagë, pasi mjeti me të cilën lëvizte është kthyer përmbys. Aksidenti ka ndodhur në orët e para të ditës, pranë Kasharit, në autostradën Tiranë-Durrës.
Një makinë tip “Ford” ngjyrë blu e errët, me targa AA 339 KS, është kthyer me rrota sipër dhe drejtuesi i saj ka përfunduar i shtrirë në anë të rrugës. Duke iu referuar dëshmitarëve në vendngjarje, drejtuesi i mjetit ka humbur kontrollin, dhe është përplasur me trafik ndarësen.
Ende nuk ka informacione se si është gjendja shëndetësore e drejtuesit të mjetit.
