Një shtetase 62 vjeç, humbi jetën sot pasi u aksidentua nga një automjet në rrugën “Besim Alla” në kryeqytet.
Policia informon se, sot rreth orës 14:20, në rrugën “Besim Alla”, automjeti tip Mercedes Benz, taksi, me drejtues shtetasin R. H., ka aksidentuar shtetasen V. K., 62 vjeç, e cila pasi është dërguar në S.Q.U., ka ndërruar jetë si pasojë e goditjes së marrë.
Grupi hetimor po kryen veprimet për sqarimin e plotë të rrethanave të aksidentit.
Drejtuesi i mjetit është shoqëruar nga shërbimet e Policisë Rrugore për veprime të mëtejshme proceduriale.
