Një 60-vjeçar humbi jetën në kryeqytet teksa u përfshi në një aksident rrugor.
Ngjarja u regjistrua rreth orës 16:30 në rrugën “Ymer Kurti”, ku automjeti tip Mercedes Benz me drejtues A.
E rreth 60 vjeç, ka humbur kontrollin e mjetit dhe është përplasur me një automjet parkuar pranë saj.
Si pasojë e përplasjes, mbeti i plagosur drejtuesi i mjetit i cili ndërroi jetë rrugës për në spital.
Nga hetimet paraprake dyshohet se drejtuesi i automjetit ka pësuar infarkt.
Grupi hetimor po punon për sqarimin e plotë të rrethanave.
