Mbrëmjen e së martës, në Tiranë ka ndodhur një plagosje me thikë në zonën e “Oxhakut”. Burimet zyrtare bëjnë me dije se si pasojë e një konflikti të çastit, shtetasi M. C., 38 vjeç, ka plagosur me thikë shtetasin A. I., 47 vjeç. Shkak për ngjarjen ka qenë zhurma që po bënte i plagosuri, teksa luante domino me një person tjetër. Pasi kanë debatuar, janë kapur fizikisht dhe pastaj autori ka nxjerr thikën dhe e ka qëlluar.
47-vjeçari ka marrë një goditje me thikë në gjoks. Bluzat e bardha konfirmojnë se është jashtë rrezikut për jetën. Policia po punon për kapjen e autorit.
Njoftimi i policisë:
Me datë 01.11.2022, te Oxhaku, si pasojë e një konflikti të çastit, shtetasi M. C., 38 vjeç, dyshohet se ka plagosur me mjet prerës thikë, shtetasin A. I., 47 vjeç, i cili ndodhet në spital, nën kujdesin e mjekëve. Grupi hetimor nën drejtimin e Prokurorisë po punon për kapjen e autorit dhe sqarimin e rrethanave të ngjarjes.
