Të gjitha rrugët kryesore të Tiranës janë mbushur me studentë, të cilët të vetëorganizuar nga të gjithë fakultetet janë grumbulluar tek Ministria e Arsimit.
Ata kërkojnë uljen e tarifave të shkollimit, dhe përmirësimin e kushteve të jetesës. Studentëve të Tiranës u janë bashkuar dhe ata të Universitetit “Aleksandër Moisiu” të Durrësit, që po mblidhen në Spitallë, ndërsa do të protestojnë po ashtu dhe studentët e Universitetit “Fan Noli” në qytetin e Korçës, dhe “Aleksandër Xhuvani” në Elbasan.
Kujtojmë se një ditë më parë, takimi me Ministren e Arsimit, Lindita Nikolla, ka rezultuar i pafrytshëm, sepse konsistoi vetëm në premtime dhe në asnjë vendim të shkruar dhe masë të ndërmarrë konkretisht.
