Tifozë dhe dhjetëra qytetarë kanë protestuar përpara Kryeministrisë kundër ekstradimit në Serbi nga ana e Kroacisë, të Ismail Morinës, i njohur ndryshe si “Ballisti”.
Tifozët dhe qytetarët kanë kërkuar që autoritetet shtetërore shqiptare të ndërhyjnë për të ndalur ekstradimin e Morinës në shtetin serb, nisur nga rreziku për burgosjen e tij për shkak të ngritjes së dronit mbi stadiumin e Beogradit në ndeshjen midis Serbisë dhe Shqipërisë.
Ndërkaq më herët, ministri i Brendshëm dhe ministri i Drejtësisë kanë komunikuar me autoritetet kroate duke iu konstatuar se ekstradimi i Morinës është i parregullt dhe shkel të drejtat e njeriut nisur nga Konventa e Evropës për të Drejtat e Njeriut.
Megjithatë, ende nuk ka një përgjigje zyrtare nga ana e Kroacisë, ndërsa familjarët e Morinës dhe tifozët i mbajnë shpresat tek ndërhyrja intensive e shtetit shqiptar për mosekstradimin nga ana e Kroacisë të Morinës drejt Serbisë.
