Juventus festoi nj natë më parë titullin e tetë kampion të Serie A radhazi, pas barazimit e Atalantën. Një ndeshje me shumë emocion, jo për atë që u dha në fushë, por më shumë për dy lamtumira që erdhën në kampin bardhezi. Qendërmbrojtësi, Andrea Barzagli i dha fund futbollit, pas 8 viteve fantastike si juventin, të cilët në vitin 2011 e blenë nga Ëolsburg për 300 mijë euro.
Por ndeshja e fundit në Torino ishte edhe për trajnerin Allegri, i cili pak ditë më parë lajmëroi se ky ishte sezoni i fundit në krye të Juventusit. Në festën e organizuar në nder të qendërmbrojtësit 38-vjeçar ka qenë i ftuar edhe Paul Pogba, i cili ka udhëtuar nga Manchesteri për në Torino, aty ku iu bashkua ish-shokëve të skuadrës.
Në këtë mbrëmje nuk munguan as trajneri Allegri, Gianbluigi Buffon, Fernando Llorente dhe Aaron Ramsey.
Prezenca e Pogbas në ambientin bardhezi ka bërë që tifozët e Juventusit të shpresojnë për një rikthim të tij në “Allianz Stadium”, edhe pse për francezit thuhet se ëndërron të bashkohet tek Real Madridi me Zinedine Zidane.
“Njeri dhe lojtar i madh. Po tani? Sigurisht që do të jesh më i miri, çfarëdo që do të bësh. Ti je shembull për të gjithë futbollistët”, shkroi Pogba në Instagram për lamtumirën e Barzagli nga futbolli.
