Duket se as masat kufizuese të ndërmarra në kuadër të frenimit të përhapjes së koronavirusit, nuk e kanë ndaluar kremtimin e karnavaleve tradicionale në Nartë.
Banorët me maska jo mjekësore në fytyrë kanë vallëzuar rritet e tyre tradicionale për dy ditë me radhë tërësisht të pashqetësuar për përhapjen e virusit. Këtë vit banorët kanë pasur leje vetëm 2 orë në ditë për zhvillimin e tyre.
“Aktiviteti sot është pak i nxituar, se ligjet janë që mos të bëhen grumbullime për COVID-19, por ky është një zakon që e ka fshati jonë më vite të tëra dhe është shumë e vështirë të harrohet. Me ça po shoh unë njerëzit janë shumë të rregullt, zbatojnë distancën dhe janë larg njëri-tjetrit, kështu nuk rrezikojnë ndonjë sëmundje”, thotë një banor i zonës për Abc Neës.
Karnavalet Nartës simbolizojnë kalimin nga një periudhë në tjetrën. Nga dimri në pranverë. Nga një stinë me papunë të plogësht, në një stinë me punë, me prodhime, për të kaluar gjithë vitin.
