Një 29-vjeçar nga Saranda është arrestuar pasi ka thyer urdhrin e gjykatës duke dhunuar fizikisht dhe psikologjikisht nënën e tij.
Përmes një njoftimi, policia e qytetit jep detaje lidhur me arrestimin e tij.
Sipas bluve të qytetit bregdetar , është arrestuar në flagrancë shtetasi Enea Qëndro, 29 vjeç, banues në Sarandë.
Arrestimi i tij është bërë, pasi ka ushtruar dhunë fizike dhe psikologjike ndaj nënës së tij, duke thyer edhe urdhrin e mbrojtës, që Gjykata e Rrethit Gjyqësor Sarandë kishte vendosur për shtetasen E.Q..
Materialet u referuan në Prokurori në ngarkim të tij për veprën penale “Dhuna në Familje” dhe “Veprime në kundërshtim me vendimin e gjykatës”, parashikuar nga nenet 130/a dhe 321/2 të Kodit Penal.
